Det er vanskeleg å vekse opp, og Lilla tek oss rett tilbake dit. Til dei ubehagelege pausane då vi famlar etter ord, for å seie noko til menneske på vår eigen alder som er akkurat like forvirra og usikre som vi er sjølve. Ein gut kjem inn i ein tom kjellar saman med ei jente. Det er i dette lokalet han og tre andre gutar møtest for å øve, men dei er ikkje blitt så gode som dei drøymer om. Han har ein elektrisk gitar, og har overtalt ein av dei andre til å kjøpe trommesett. Dei fire gutane i gruppa skal øve denne kvelden, men no er guten og jenta komne før dei andre,